قلبها عايش حياته أما قلبي ماضي فاته
فاته لكن ذكرياته لسه عايشه جوا قلبي
لسه رغم البعد حبي.... أيوا حبي....
رغم غدرك يا حبيبتي رغم إنك لما خنتي وأما سيبتي وأما بعتي
قلبي ضاع كأنه مايساويش قولتي أني ماصونتكيش
كنت بنهار وأنتى فرحانة وسعيدة
وبراعة لعبتي دورك بنت مجروحة وشهيدة
بس لما الحزن زاد والتقينا بدون ميعاد قولتي لكن وبعناد
أيوا جايز أكون جرحتك .. أيوا يمكن خنت حبك .. وغصب عني قسيت وبعتك
أيوا جايز !! بقي هو ده كل الكلام
أيوا يمكن !! بقي هو ده معني الغرام
لأ يا عمري أنا قلبي هايدوس ع الآلام
مرة تانية حزنها فاق الحدود والغرور مالوش حدود جت تقول أرجع وعود
سهل عندك تأمريني أوهبك شوقي وجنوني مانتي عارفه إنك عيوني
أمرينى أوهبك عمري وسنيني
أمريني أوهبك قلبي وحنيني
أمريني أديكي عيني
بس نرجع !! مستحـــــــيل
دي الحياة مايعشها أبدآ اللى بات في الليل قتيل
أمريني بأي حاجه أدهالك
ولو سعادتك أني أهلك هارمي نفسي في المهالك
إلا أني أعود إليكي
أصلي مش هانسي ف عنيكي ضحكة لسه شايفها فيكي
ضحكة كان فيها الشماته لأني عايزك باستماته
وأني بنهار من خيانتك يومها وفتلك آمانتك
أيوا لسه بعيش هواكي مش بأيدي أني ماعشقتش سواكي
بس يوم مارجع إليكي هبقى بخسر اللى باقي
ضاع هوايا وحبي ليكي وأشياقي
بس أبدآ مش هاضيع... كبريــــــــــــــــائي
أحلام[b]